白鶴鳴風水

|著作125部•暢銷報刊、玄學專欄資深作家|  風水用品:麒麟... | 首創全自動羅盤.立極尺  |

2018風水之(戊戌年)犯太歲壓祭主人士

點擊各方位看2018狗年風水:

東南西南西西北 | 東北中宮

 

首頁

 

        早一排同班朋友聚一聚,其中一朋友話, 佢有個同事屋企人過身,佢問我,佢去殯儀館有無問題,因為佢聽以前d老人家,話年年都有一d人唔去得殯儀館。既然佢問到,我都幫佢推算一下答左佢。

        突然想起哩個問題,我就寫番篇有關既風水文章,講下哩個問題有關既野。不適宜去殯儀館既有乜其中一種要特別留意一下,就係犯「太歲壓祭主」既人,因為犯「太歲壓祭主」既年份不宜去拜祭,而去殯儀館人,假如要上香,都算係拜祭既一種。

        講到哩有位識小小風水玄學既朋友,聽到我講「太歲壓祭主」,話佢從來未聽過,只係聽過邊過生肖唔適宜去殯儀館,問我點計。我答哩位朋友:「嘩!都幾複雜,唔係兩三句可以講完。」

        個朋友聽到我咁答,就問:「有d乜野方法,可以知道有乜人犯太歲壓祭主。」在場大部份朋友,都好有興趣咁望住我,等我講答案。我答:「其實方法好簡單,年年都有唔同既人犯。例如下年2018狗年有乜野人犯『太歲壓祭主』呢﹖」講到哩到,我拎部手機睇睇。

        睇完手機之後,我就:「2018年流年屬狗,戊戌歲次,犯『太歲壓祭主』既人有丁未、丙辰、乙丑、甲戌、癸未、壬辰等年分出世既人。」講完之後,除左識小小風水玄學既呢位朋友之外,其他人都唔係好知係乜。因為香港而家主要係用公元年份。

        我之後哩d風水曆法既年柱寫出加上年柱所代表既近代公元曆之後,佢地先清楚了解:

 

        「丁未」年出生人士、即係西曆一九六七年出生人士。
        「丙辰」年出生人士、即係西曆一九七六年出生人士。
        「乙丑」年出生人士、即係西曆一九二五年、一九八五年出生人士。
        「甲戌」年出生人士、即係西曆一九三四年、一九九四年出生人士。
        「癸未」年出生人士、即係西曆一九四三年、二零零三年出生人士。
        「壬辰」年出生人士。即係西曆一九五二年、二零一二年出生人士。

        以上六年(丁未、丙辰、乙丑、甲戌、癸未、壬辰)出生人士,2018年(戊戌歲次)風水擇日黎講,佢地唔去殯儀館,或者一些亡人下葬時,面向棺材坑,要背著棺材坑,最後就行開添啦。如果唔係,犯左「太歲壓祭主」,番屋企隨時會病,嚴重矕N仲會行衰運添。

        以上資料解釋完後,佢地問我點樣手機查,我話每一年出既《通勝》,第二頁都有資料,好易搵。2018年戊戌年,犯「太歲壓祭主」既人士,要小心啦!

風水玄學權威白鶴鳴弟子/方中圓 
        本文刊載日期2017年73

訂購風水用品專頁

風水八字改名--預約.TEL:9838 3838

歡迎轉載內容,敬請尊重版權,
請列明出處及連結「www.hokming.com」,謝謝!