從八字研究無間道臥底是警察抑或社團

【公司風水】

【首頁】

2002年既時候，係香港電影低潮期，當時有一套電影，叫做《無間道》，由劉德華、梁朝偉做主角，套電影係呢個電影低潮期，都十分收得。

電影主要講臥底，而臥底，有分警察臥底同社團（黑社會）臥底。警察臥底，係由警察揀些精英，扮蠱惑仔混入社團，只要得到社團信任，就有機會找到社團犯罪証據。

社團臥底，係由社團找人，考入警隊，方便配合社團做事，或者警方有滅罪行動，臥底可以事先通風報訊，避免被警察拉到治罪。

近期都有電視劇，以《無間道》為名，都係拍警察及黑社會臥底題材既電視劇。先不港電影情節或電視劇情節係真係假，因為我研究風水玄學，所以對臥底，好有興趣。

我見到大師姐白如雪既時候，問師姐一個係我心裡面疑惑左好耐既問題：「無間道講臥底，而臥底又分警察臥底同社團臥底，如果係八字角度研究，兩種臥底既八字，有無分別？」

大師姐好快就答我，唔知大師姐係唔係一早已經想過這個問題，所以答得這麼快﹖雖然我心中有這個疑問，但我都唔敢講出來，如果激親大師姐，佢唔教我，咀點算﹖﹗

大師姐既回答係：「你估下（猜一下）？」我聽到，就好似手機app裡面既其中一個圖案──滴汗+藍面。

「大師姐，我估到就唔使請教大師姐啦！我功力同你差幾班，我點會估到丫！」

大師姐聽到，係度笑，笑完就教我：「八字以正官為警察，如果有一個人，八字以正官為用，但大運行七殺，就會由警察派去做臥底。

而社團臥底，都同樣道理。八字以七殺為社團大佬，如果大運行正官，就會由社團派去做臥底。」

一聽大師姐解釋，原來兩種臥底八字真係有分別，在於「正官混七殺」定係「七殺混正官」。

所以話呢，我好鍾意請大師姐同大師兄飲茶灌水，因為，每一次，都必有所得，但係，今次大師姐蝕左，因為我係白鶴鳴風水精品中心撞到大師姐，問大師姐問題，一毫子都唔使出，已經學到野。

當然，我都識做，即時讚大師姐､多謝大師姐，好似師傅白鶴鳴大師話齋，禮多人不怪嘛！

風水玄學權威白鶴鳴弟子 方中圓 
        本文刊載日期2018年3月13日

由白鶴鳴老師幫你改好名——收費$1,388起

俗語常說：「唔怕生壞命，最怕改壞名」。
如果你自覺命途多阻、運氣不濟，希望改進日後的運程……
如果你剛為人父母，望日後子女成為人中龍鳳、運程亨通；
你都可以藉著改名來增強自己的運氣，
可致電我們 ∼ 預約白鶴鳴大師
查詢電話﹕（852）2388 6878

最受歡迎風水用品

,

訂購風水用品專頁