中國人化解降頭其中一個方法

首頁

        不論係研究風水玄學，抑或普通市民，相信都有聽過「降頭」這個名詞。 相傳降頭，係中國四川及雲南一帶苗疆的「蠱術」，後來傳到東南亞地區之後，又經當地的巫師結合巫術所演變而成，而傳說降頭術可害人於無形。

        曾經聽大師兄匡正講過，降頭術可分成兩個部份，第一個部份是蠱術，即係以無色無形既蟲卵，放到食物或人類身上，而蠱蟲借人體營養賴以生長。

        第二個部份，亦是現現今最流行既降頭術，這降頭術屬於巫術。主要是經過巫師與陰靈的溝通，借陰神的助力及合作，可以害人於無形。 而中國人有一招化解「降頭術」，或者說是預防「降頭術」更為適合。

        大師兄話，曾經有一位定居外地的中國人，特別安排來香港，跟恩師白鶴鳴先生學習風水。而呢位師兄是馬來西亞華僑 ，佢同老師講：「馬來西亞十分流行降頭，有唔少人都識得降頭，而佢地祖先，曾流低預防降頭既方法俾佢地。

        呢位師兄話，用降頭既人，最常用既方法，會將降頭擺響飯內，而佢地拿飯碗既時候，就要即時解降。」 當時師兄仲同老師講出呢個方法。

        原來只要響取飯碗既時候，用五隻手指微合，由上向下，抓實飯碗上方既碗邊。而師兄話，當年祖先跟一位大師學到呢個抓碗既方法，等於是佛祖既「五指山」，只要五指山壓下飯碗，降頭就會被化解。

        如果大家要到東南亞地方旅行，對當地有接觸既人有所懷疑既話，可以試用呢個抓碗方法。 當時老師問呢位師兄：「有無經過實證？」

        馬來師兄答：「以佢所知，用過呢個方法既中國人，都無中過降頭！」 一句話講哂——信不信由你，我就「姑且聽之，姑且言之。啦」不過寫 出黎比大家參考下，都幾有趣。

風水玄學權威白鶴鳴弟子 方中圓
        本文刊載日期2017年11月4日

最受歡迎風水用品

,

訂購風水用品專頁