八字的陽男陰男及陽女陰女

八字命理

首頁

        最近又同班朋友聚一聚，我呢班朋友聚舊，大家時有時會帶其他朋友一齊黎，我地年青人無乜所謂。

        呢日既聚會，識到一位朋友，佢對八字有興趣，最近開始睇八字命理既書，佢知道我對風水、八字、紫微斗數、面相掌相、占卜等等，都有研究，所以就問左我一個問題。

        佢既問題對我黎講好簡單，我仲懷疑佢睇八字書，只睇兩眼就算，無乜真正逐字研究。佢問我：「八字起大運，以陽男陰女順行、陰男陽女逆行。我想知道，男命屬於陽男或者陰男﹔女命屬於陽女或者陰女，怎推算﹖」

        如果大家對八字有些少研究，可能同我一樣，覺得問題實在太簡單。我記得，第一課跟老師學習八字，已經識得分辨陽男陰女及陽女陰男等等。

        我簡單咁教佢：「你知道乜天干屬於『陽』？」他微低頭，略一思考：「甲、丙、戊、庚、壬。」佢無答錯，不過唔純熟，否則，應該可以唔使諗就可以答得出「甲、丙、戊、庚、壬。」

        我再問：「又有乜天干屬於『陰』呢？」今次佢唔使諗，立即答出：「乙、丁、己、辛、癸。」佢非常謹慎咁讀出，雖然略慢，但全中。

        我正想再講，佢就突然略有所悟：「我知！在『甲』年出生既男性叫陽男，而『甲』年出生既女性叫陽女；逢『乙』年出生男性叫陰男，而『乙』年出生既女性叫陰女！其它天干都咁樣推算！」

        終於有所領悟，對﹗八字陽男陰女等等，以年天干屬於「陽」定「陰」作定論，陽年出生男性叫陽男，陽年出生女性叫陽女。

        研究八字，分清楚陽男定陰男非常重要， 因為起大運時，順行定逆行，兩者所影響既一生運程，可以出現極大差別。

風水玄學權威白鶴鳴弟子　　方中圓
        本文刊載日期2017年11月9日

最受歡迎風水用品

,

訂購風水用品專頁